Ăшă шурă виттипе.
Çил ачи пире чĕнчĕ
Ярăнма ту хĕррипе.
Тăман вĕçтерсе анан
Çунашкапа сăрт çинчен.
Ăна туртса хăпарман
Хĕнпе çӳле çитиччен.
Çут тĕнчере пурăнма
Хĕл мучи те вĕрентет:
— Кам юратать ярăнма —
Çунине те турттăр,— тет.
Çĕрле тата вăй илсен
Лайăх ĕçлен, вĕренен.
Каллех ярăнас тесен,
Çунашкуна кӳлĕнен.
Çунашкапа ярăнни
Тĕреклетет сывлăха.
Пурте пĕрле выляни
Çирĕплетет туслăха.
Хěветěр Савгаев"Сувар" №1 (472) 05.01.2003 хаçачěнчен илнě